Perulu dərzilər dünyanın ən iri ölçülü cins şalvarını nümayiş etdirib. Uzunluğu 42 metrə çatan bu şalvarın tikilişində 3 min metrlik parçadan istifadə olunub. Ölçülərin həqiqətə uyğun olub-olmamasını Ginnesin rekordları kitabının rəsmiləri yoxlayıblar.
Qeyd edək ki, cins şalvarı 3 dərzi və onların 6 koməkçisi 46 gün gecə-gündüz dayanmadan tikərək ərsəyə gətiriblər. Çəkisi 2 tona çatan şalvar üçün, dərzilər müvafiq ölçüdə düymələr, ilgək, kəmər və hətta arxa cib üçün «Pirs» kompaniyasının loqosunu da hazırlayıblar. Təşkilatçılar əvvəlcə cinsi kranla qaldıraraq nümayiş etdirmək istəsələr də güclü külək onların bu planına mane olub. Buna görə şalvarı yerə sərib hava yastıqları ilə şişirdib müəyyən formaya salmaq qərara alınıb. Yalnız bundan sonra dünyanın ən iri ölçülü cins şalvarı rəsmən elan edilib. /ANS PRESS/